Leydi.az — Onlayn Qadın Jurnalı

Layihə haqqında

Leydi.az Azərbaycan dilində qadın jurnalıdır. Gözəllik, moda, sağlamlıq, münasibətlər, dekorasiya, mətbəx, ana və uşaq, bürclər — jurnal doqquz əsas istiqamətdə yazılar dərc edir.

Bu gün saytda 47 bölmə və 1400-dən çox məqalə var. Yazıların yanında 540 foto seçki toplanıb.

Öz redaksiya sistemimiz

Sayt bizim öz redaksiya sistemimiz — ElitNewsCMS üzərində işləyir. Hazır platformadan istifadə etmək əvəzinə onu özümüz yazdıq, çünki jurnalın gündəlik işi bir neçə konkret şey tələb edirdi:

• Redaktor yazını özü dərc edir. Şəkli yükləyir, bölməni seçir, mətni yığır və dərc edir — heç bir texniki addım olmadan.
• Bölmə quruluşu jurnalın özünə uyğundur. Doqquz əsas istiqamət, hər birinin içində alt bölmələr: «Gözəllik» altında makiyaj, dəriyə qulluq, saçlara qulluq, dırnaqlara qulluq, saç modelləri, plastik cərrahiyyə.
• Hər yazının oxunma sayı saxlanılır — «ən çox oxunanlar» siyahısı buradan yığılır və redaksiyaya hansı mövzunun tutduğunu göstərir.

Sürət və axtarış görünüşü

Səhifələr və şəkillər oxucuya ən yaxın nöqtədən çatdırılır — sayt haradan açılsa da tez yüklənir və ən yüklü saatlarda belə sürətli qalır.

Ünvanlar yazının başlığından qurulur — bölmə adı, sonra yazının adı. Belə ünvanlar həm istifadəçi üçün oxunaqlıdır, həm də axtarış sistemləri üçün anlaşıqlı. Hər məqalənin öz başlığı, təsviri və paylaşım şəkli var, ona görə sosial şəbəkələrdə paylaşılanda düzgün görünür.

Uzunmüddətli iş

Leydi.az 2015-ci ildən fasiləsiz işləyir. Bu illər ərzində sayt bizim texniki dəstəyimizdə olub — yeniləmələr, artan arxiv və pərdə arxasındakı bütün işlər bizim üzərimizdədir.